TOMADOR

TOMADOR

Nalalaman ko

na tanging pulot pukyutan ang laman nito,

Nag-uumapaw sa sigla

at halimuyak…

Sa paglapat ng kapwa

naming mga labi,

…naglalaro…

…ang tamis…

…na unti-unting pumapait.

Ngunit tila ang aking dila’y

hindi makatanggi,

Sa likod ng pait

….patuloy sa paglagok ng pasakit,

…walang sasayanging patak.

Uubusin ko

ang serbesang

katapusa’y di matalos…

Lulunurin ko

ang aking damdamin

tulad ng sa isang lasing,

Samahan mo ako,

…uminom…

…magnamnam…

…magpakalunod…

sa saro ng pag-ibig